शिवसेनेकडून इशारा

पौड, ता. ७ : माले येथील जलशुद्धीकरण प्रकल्पाबाबत शिवसेना उद्धव बाळासाहेब ठाकरे पक्षाचे युवासेना विभागीय सचिव अविनाश बलकवडे, माजी जिल्हा परिषद सदस्य सागर काटकर, महिला आघाडीच्या सहसंपर्क संघटिका स्वाती ढमाले, शिवसहकार आघाडीचे तालुका प्रमुख ज्ञानेश्वर डफळ यांच्यासह शिवसैनिकांनी येथील कामगारांकडून माहिती घेतली. तसेच, गटविकास अधिकारी सुधीर भागवत यांना निवेदन देवून टाकीची तातडीने स्वच्छता करण्याची विनंती केली. अन्यथा आंदोलन करण्याचा इशारा दिला. यावेळी गणेश शिर्के, संतोष आधवडे, पांडुरंग निवेकर, अंकुश बलकवडे, नवनाथ लांडगे, धनजंय भिलारे, अमोल ढमाले उपस्थित होते.
याबाबत गटविकास अधिकारी भागवत म्हणाले, ‘‘साठवण टाकी स्वच्छ करण्याच्या सूचना दिल्या आहेत. यापुढील काळात आठवड्यातील एक दिवस सर्व गावांचा पाणी पुरवठा बंद ठेवून संबंधित ठेकेदाराला टाकी साफ करण्यासही सांगितले आहे.’’