राहूत गळफास घेऊन तरुणाची आत्महत्या

राहू, ता. ६ : घराच्या छताच्या लोखंडी अँगलला नायलॉन रशीच्या साह्याने गळफास घेऊन तरुणाने आत्महत्या केली. ही घटना राहू (ता. दौंड) नजीक आदर्श नगर- कुलमळा येथे सोमवारी (ता .६) नऊ वाजण्याच्या सुमारास घडली. विशाल नारायण कुल वय (२८) असे आत्महत्या केलेल्या तरुणाचे नाव आहे.
यासंदर्भात विशालचे चुलते नवनाथ जयवंत कुल यांनी यवत पोलिसांना खबर दिली. यवत पोलिसांनी दिलेल्या माहितीनुसार पांडुरंग कुल यांनी नवनाथ कुल यांना सांगितले कि, विशाल याने घरात गळफास घेतलेली आहे. त्वरित चल आल्यानंतर त्याच्या गळ्यातला दोर सोडून त्याला जमिनीवर झोपवले. दरम्यान, विशालला तातडीने पुढील उपचारासाठी यवत येथील ग्रामीण रुग्णालयात दाखल करण्यात आले. मात्र, उपचारादरम्यान त्याचा मृत्यू झाल्याचे डॉक्टरांनी घोषित केले. याबाबत यवत पोलिस अधिक तपास करत आहे.
03476