मांजरेवाडी अत्याचार खटला
‘फास्ट ट्रॅक’ न्यायालयात

मांजरेवाडी अत्याचार खटला ‘फास्ट ट्रॅक’ न्यायालयात

Published on

राजगुरुनगर, ता. ८ : खेड तालुक्यातील मांजरेवाडी (धर्म) येथील अल्पवयीन मुलीवरील अत्याचार व खुनाचा खटला ‘फास्ट ट्रॅक’ न्यायालयामार्फत चालविण्यासाठी राज्याच्या विधी व न्याय विभागाने उच्च न्यायालयाला कार्यवाहीसाठी पत्र दिल्याने पीडितेच्या कुटुंबीयांना लवकर न्याय मिळण्याची अपेक्षा आहे.
या प्रकरणी ग्रामस्थांनी सामाजिक कार्यकर्ते अशोक टाव्हरे यांच्यासह महिला व बालविकास राज्यमंत्री मेघना साकोरे-बोर्डीकर यांची भेट घेतली होती. त्यांनी मांजरेवाडी ग्रामपंचायतीच्या निवेदनानुसार ''फास्ट ट्रॅक'' न्यायालयामार्फत खटल्याचे कामकाज होण्यासाठी मुख्यमंत्री देवेंद्र फडणवीस यांना पत्र दिले होते. त्यावर मुख्यमंत्र्यांनी विधी व न्याय विभागाचे प्रधान सचिवांना कार्यवाहीचे लेखी निर्देश दिले होते. त्यानंतर टाव्हरे यांनी याप्रकरणी कार्यवाही होण्यासाठी मुख्यमंत्री सचिवालय आणि विधी व न्याय विभागात पाठपुरावा केला. विधी व न्याय विभागाच्या प्रधान सचिव सुवर्णा केवले यांची भेट घेतली. ''फास्ट ट्रॅक'' पद्धतीने खटला चालविण्यासाठी संबंधित न्यायालयाला निर्देश देण्याचे अधिकार उच्च न्यायालयाला असल्याने विधी व न्याय विभागाने २ जून रोजी मुंबई उच्च न्यायालयाच्या महाप्रबंधकांना त्यासाठी पत्र दिले . तसेच, मुख्यमंत्र्यांचे विशेष कार्यकारी अधिकारी अमोल पाटणकर यांनी पीडितेच्या कुटुंबाला मनोधैर्य योजनेतून मदत मिळवून देण्याबाबत पुणे पोलिस अधीक्षकांना सांगितले आहे.
दरम्यान, सदर गंभीर विषयाची दखल घेऊन केलेल्या मोलाच्या सहकार्याबद्दल ग्रामस्थांनी मुख्यमंत्री देवेंद्र फडणवीस, राज्यमंत्री मेघना साकोरे बोर्डीकर, विधी व न्याय विभागाच्या प्रधान सचिव सुवर्णा केवले, मुख्यमंत्र्याचे खासगी सचिव विद्याधर महाले, साकोरे- बोर्डीकर यांचे खासगी सचिव स्वप्नील कापडणीस, सचिव संभाजी पाटील, गिरीश घुले यांच्या मंत्रालयात भेटी घेऊन आभार मानले. यावेळी अशोक टाव्हरे, कैलास टाकळकर, दिलीप माशेरे, संतोष ताम्हाणे, राजेंद्र मांजरे, प्रकाश पवार, भगवान मांजरे, जयसिंग मांजरे, प्रवीण मांजरे, अरविंद मांजरे, समीर मांजरे, रमेश मांजरे, संदीप मलघे उपस्थित होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com