कथाकथन स्पर्धेत राहुल शिंदे प्रथम

राजेगाव, ता. ७ : रावणगाव (ता. दौंड) परिसरातील रानमळा शाळेचे शिक्षक राहुल किसन शिंदे यांना तालुकास्तरीय कथाकथन स्पर्धेत प्रथम, तर स्वरचित कविता गायनमध्ये द्वितीय क्रमांक मिळाला आहे. वरवंड (ता. दौंड) येथे नुकतेच पुणे जिल्हा परिषदेच्या प्राथमिक शिक्षण विभागाच्यावतीने शिक्षक सक्षमीकरण कला, क्रिडा व सांस्कृतिक स्पर्धेचे आयोजन केले होते. तालुकास्तरावर प्रथम क्रमांक आल्यामुळे शिंदे यांची जिल्हा स्तरावरील स्पर्धेसाठी निवड झाली होती. कोयाळी पुनर्वसन (ता. शिरूर) या ठिकाणी जिल्हास्तरीय स्पर्धा नुकत्याच पार पडल्या. शिक्षणाधिकारी संजय नाईकडे यांच्या हस्ते शिंदे यांना सन्मानचिन्ह व प्रमाणपत्र देऊन सन्मानित केले. शिंदे हे गावोगावी जाऊन महापुरुषांच्या जीवनावर व्याख्याने देऊन समाजप्रबोधन करतात. तसेच वारकरी संप्रदायातील कीर्तन, प्रवचनही करतात.