कृषी, पशू विभागाचे रावणगावात मार्गदर्शन

राजेगाव, ता. ८ : रावणगाव (ता. दौंड) येथे नुकतेच शेतकऱ्यांना कृषी तसेच पशू विभागाच्या तज्ज्ञांनी मार्गदर्शन केले. विकसित कृषी संकल्प अभियानाची दौंड तालुक्यातील सहा गावांमधून  सुरुवात करण्यात आली आहे.
अभियानांतर्गत राष्ट्रीय अजैविक ताण प्रबंधन संस्था माळेगाव खुर्द, कृषी विज्ञान केंद्र बारामती, महात्मा फुले कृषी विद्यापीठ राहुरी, शासकीय पशू वैद्यकीय महाविद्यालय शिरवळ यांचे संयुक्त विद्यमाने या अभियानाची सुरुवात करण्यात आली.
बारामती येथील कृषी विज्ञान केंद्राचे विषय विशेषज्ञ डॉ. रतन जाधव व प्रशांत गावडे, दौंडचे बीटीएमी महेश रूपनवर, राष्ट्रीय अजैविक तान प्रबंधन संस्था माळेगाव खुर्दचे वरिष्ठ शास्त्रज्ञ डॉ. नीरज कुमार, वरिष्ठ वनस्पती रोग शास्त्रज्ञ डॉ. वनिता साळुंखे तर शिरवळ येथील शासकीय पशू वैद्यकीय महाविद्यालयाचे डॉ. चंद्रकांत भोंगे शेतकऱ्यांना मार्गदर्शन केले.
यावेळी रावणगावचे सरपंच प्रतिनिधी दिनकर आटोळे, भाऊसाहेब महाराज आटोळे, विकास आटोळे, संजय गाढवे, तानाजी रांधवण, सागर आटोळे, तानाजी गावडे तसेच शेतकरी उपस्थित होते.