राजेश्वर सोसायटीच्या अध्यक्षपदी मेंगावडे

राजेगाव, ता. ७ ः राजेगाव (ता. दौंड) येथील श्री राजेश्वर विविध कार्यकारी सेवा सहकारी संस्थेच्या अध्यक्षपदी शरद कल्याण मेंगावडे
यांची, तर उपाध्यक्षपदी संदीप पोपट टेंगले यांची बिनविरोध निवड झाली. अध्यक्ष अ‍ॅड. विठ्ठल भाऊसाहेब मोघे व उपाध्यक्ष शरद मेंगावडे यांनी राजीनामे दिल्यानंतर रिक्त झालेल्या पदांसाठी ही निवड प्रक्रिया पार पडली. पूर्व दौंड विभागातील सर्वाधिक आर्थिक उलाढाल असलेली आणि पारदर्शक व नफ्यातील कारभारासाठी ओळखली जाणारी ही संस्था असल्याने, या पदांवर निवड होणे ही अत्यंत प्रतिष्ठेची बाब मानली जाते.
निवडीवेळी गटनेते मुकेश गुणवरे, माजी अध्यक्ष अॕड. विठ्ठल मोघे, अमोल मोरे, दादा कडू, राजेंद्र खैरे, भाऊसाहेब ढेंबरे, चंद्रकांत मेंगावडे, मयूर गुणवरे, मिलिंद मोरे, प्रमोद मेंगावडे, सचिव दत्तात्रेय कोळेकर, अनिल खैरे, दादा शिंदे आदी उपस्थित होते.

01590, 01591