रांजणगाव सांडसमध्ये 
विवाहितेचा शॉक देऊन खून

रांजणगाव सांडसमध्ये विवाहितेचा शॉक देऊन खून

रांजणगाव सांडस, ता. ३ : रांजणगाव सांडस (ता. शिरूर) येथील रणपिसे वस्तीवरील राहत्या घरी नवविवाहितेचा दोरीने गळा आवळून व हाताला विजेचा शॉक देऊन खून केला. शीतल स्वप्नील रणपिसे (वय २१), असे तिचे नाव आहे. स्वप्नील हिचे पती स्वप्नील श्‍यामराव रणपिसे, सासू व माजी सरपंच शारदा श्‍यामराव रणपिसे हे शेतामध्ये गेले होते. तर, सासरे श्‍यामराव पांडुरंग रणपिसे हे कामानिमित्त बाहेरगावी गेले होते. शीतल ही घरामध्ये एकटीच होती. या संधीचा फायदा घेऊन दुपारी दीड ते दोनच्या दरम्यान तिचा खून झाल्याची शंका आहे.
पोंढे (ता. पुरंदर) येथील दत्तात्रेय रघुनाथ वाघले यांची कन्या असलेल्या शीतल हिचा विवाह ३ डिसेंबर २०२३ रोजी रांजणगाव सांडस येथील श्यामराव पांडुरंग रणपिसे यांच्या मुलगा स्वप्नील यांच्याशी झाला होता. या दोघेही नवदांपत्याचा संसार सुखी चालला होता. कुठल्याही प्रकारचे घरामध्ये वाद-विवाद नव्हते. परंतु, बुधवारी दुपारी शीतल हिचा खून झाल्याने मोठी खळबळ उडाली आहे. श्यामराव रणपिसे यांच्या घरी पोलिस अधिकारी व कर्मचाऱ्यांसह श्वान पथकाने भेट दिली असून, चौकशी करत रात्री उशिरापर्यंत गुन्हा दाखल करण्याचे काम यवत पोलिस ठाणे येथे सुरू होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com