उरळगाव सोसायटीच्या अध्यक्षपदी गिरमकर

रांजणगाव सांडस, ता. ७ ः उरळगाव (ता. शिरूर) येथील उरळगाव विविध कार्यकारी सेवा सहकारी संस्थेच्या अध्यक्षपदी राजेंद्र बबनराव गिरमकर यांची दुसऱ्यांदा बिनविरोध निवड झाली. सुमन सूर्यकांत सात्रस यांनी अध्यक्षपदाचा राजीनामा दिल्याने गुरुवारी (ता. ७) ही निवडणूक घेण्यात आली. यावेळी गिरमकर यांचा एकमेव अर्ज आल्याने त्यांची बिनविरोध निवड झाल्याचे निवडणूक निर्णय अधिकारी पी. व्ही. हराळ, सचिव शिवाजी कोकडे यांनी जाहीर केले. याप्रसंगी माजी सरपंच अशोक चव्हाण, माजी अध्यक्ष भानुदास चव्हाण, माजी उपसरपंच संदीप सात्रस, माजी उपाध्यक्ष बाळासाहेब जांभळकर, तंटामुक्तीचे माजी अध्यक्ष शिवाजी सात्रस, डॉ. रामदास पंदरकर, अशोक कोळपे, सरपंच स्वप्नील गिरमकर, तंटामुक्तीचे अध्यक्ष कैलास सात्रस, माजी अध्यक्ष संजय जांभळकर, संतोष सात्रस, श्रीरंग बिडगर, नानाभाऊ होलगुंडे, मोहन सात्रस, भरत आफळे, सविता बांडे, द्वारका ओव्हाळ, नीलेश सात्रस आदी उपस्थित होते.

02986