इंदापुरात ५ वर्षीय मुलीचा विजेच्या धक्क्याने मृत्यू

इंदापूर, ता. ७ : शहरातील दर्गा मशीद चौकातील पथदिव्याच्या खांबातून विजेचा धक्का लागल्याने एका ५ वर्षीय चिमुकलीचा मृत्यू झाला. कुलसूम हैदर मुशाहिदी, असे तिचे नाव आहे.
इंदापूर शहरातील दर्गा मशीद चौकातील पथदिव्याच्या खांबातून गुरुवारी (ता. ६) सायंकाळी ७ वाजण्याच्या सुमारास कुलसूम हिला वीजेचा धक्का लागला. त्यानंतर चिमुकलीला तत्काळ नजीकच्या खासगी रुग्णालयात दाखल केले. मात्र, डॉक्टरांनी तिला मृत घोषित केले. दरम्यान चिमुकलीच्या मृत्यूस कारणीभूत असल्याप्रकरणी वीज वितरण कंपनी व नगरपरिषद यांच्यावर गुन्हा दाखल करण्याची मागणी करत नागरिकांनी पोलिस ठाण्यात गर्दी केली होती. याबाबत रात्री उशिरापर्यंत गुन्हा नोंदविण्याची प्रक्रिया सुरू होती.