भार्गवराम तलावावरील बागेच्या भिंतीची दुरूस्ती होणार

इंदापूर, ता. ११ : व्यंकटेशनगरमधील भार्गवराम तलाव परिसरातील बागेच्या भिंतीच्या दुरूस्ती कामाचा शुभारंभ राष्ट्रवादी काँग्रेस पक्षाचे जिल्हाध्यक्ष प्रदीप गारटकर यांचे हस्ते करण्यात आला. आमदार दत्तात्रय भरणे यांनी मंजूर केलेल्या निधीतून व प्रदीप गारटकर यांच्या प्रयत्नांतून ‘लोकशाहीर अण्णाभाऊ साठे दलितवस्ती सुधार योजना क्रमांक ५’ अंतर्गत भार्गवराम तलावावरील बागेच्या भिंतीची दुरूस्ती गेल्या दोन-तीन वर्षांपासून रखडली होती.
या कार्यक्रमाला राष्ट्रवादी काँग्रेसचे शहराध्यक्ष बाळासाहेब ढवळे, माजी नगरसेवक अनिकेत वाघ, अतुल शेटे पाटील, सुभाष मोरे, आरिफ मुलाणी, प्रा.अशोक मखरे, महिला शहराध्यक्ष उमा इंगुले, स्मिता पवार, शीतल कांबळे, राष्ट्रवादी युवक कार्याध्यक्ष वसीम बागवान, अल्पसंख्याक शहराध्यक्ष अहमदरजा सय्यद, विद्यार्थी शहराध्यक्ष साईराज ढावरे, तालुका विद्यार्थी अध्यक्ष ओंकार सरडे, सागर पवार, महेश जगताप, निहाल बागवान, मोहसीन तांबोळी, सलमान मोमीन, आण्णा वाघमोडे, जावेद शेख उपस्थित होते.