सैनिक संघटनेच्या अध्यक्षपदी शेंडकर

सोमेश्वरनगर, ता. १४ : येथील आजी-माजी सैनिक संघटनेच्या अध्यक्षपदी निवृत्त सुभेदार मेजर ताराचंद शेंडकर यांची तर उपाध्यक्षपदी भगवान माळशिकारे यांची बिनविरोध निवड करण्यात आली. जिल्हा क्रीडा अधिकारी जगन्नाथ लकडे यांच्या उपस्थितीत पदाधिकारी निवडीसह नव्याने कार्यकारिणीची निवड प्रक्रिया पार पडली.
सामाजिक कार्यकर्ते बाळासाहेब शेंडकर यांच्या निधनानंतर गेले दीड महिने अध्यक्षपद रिक्त होते. या पार्श्वभूमीवर बारामती तालुक्याची मुख्य शाखा असलेल्या येथील आजी-माजी सैनिक संघटनेने करंजेपूल (ता. बारामती) येथील कार्यालयात सभेचे आयोजन केले होते.
दरम्यान, सचिवपदी रामदास कारंडे, सहसचिवपदी विजय साबळे, खजिनदारपदी राजेंद्र पवार, सहखजिनदारपदी किरण सोरटे, कार्याध्यक्षपदी बाळासाहेब गायकवाड व नितीन शेंडकर, द्वितीय उपाध्यक्ष म्हणून रामचंद्र शेलार यांची तक्रार निवारण समिती अध्यक्षपदी अॅड. गणेश आळंदीकर, सल्लागारपदी राजाराम शेंडकर व मोहन शेंडकर यांची निवड करण्यात आली. याप्रसंगी दत्तात्रेय चोरगे, मीनानाथ होळकर, संजय चव्हाण, युवराज चव्हाण, भरत मदने आदी उपस्थित होते.