लाकडी निंबोडी योजनेची
जनसुनावणी पुढे ढकलली

लाकडी निंबोडी योजनेची जनसुनावणी पुढे ढकलली

शेटफळगढे, ता. ३ : लाकडी निंबोडी उपसा सिंचन योजनेसंदर्भात असलेली पर्यावरणीय जनसुनावणी निवडणूक आचारसंहितेमुळे पुढे ढकलण्यात आली आहे.
बारामती आणि इंदापूर तालुक्यातील १७ गावच्या शेतीच्या पाण्याचा प्रश्न सोडवण्यासाठी उजनी जलाशयातून उपसा सिंचन योजनेद्वारे पाणी देऊन शेतीच्या पाण्याचा प्रश्न सोडवला जाणार आहे. त्यासाठी जलसंपदा विभागाच्या वतीने निविदाही काढली आहे. या होणाऱ्या प्रकल्पाच्या अनुषंगाने लाकडी (ता. इंदापूर) येथे महाराष्ट्र प्रदूषण नियंत्रण मंडळ यांनी ३ नोव्हेंबर रोजी येथील प्राथमिक शाळेत सुनावणी ठेवली होती. मात्र, लाकडी येथे ग्रामपंचायत सार्वत्रिक निवडणुकीची आचारसंहिता लागू असून, निवडणुकीच्या पार्श्वभूमीवर गावात संवेदनशील वातावरण आहे. त्यामुळे ५ नोव्हेंबर रोजी मतदान पार पडल्यानंतर सुनावणी घ्यावी, अशा स्वरूपाचा अहवाल तहसीलदारांनी २ नोव्हेंबर रोजी जिल्हाधिकारी कार्यालयास सादर केला आहे. त्यामुळे जिल्हाधिकाऱ्यांच्या मान्यतेने सुनावणी पुढे ढकलण्यात आल्याचे कळविण्यात आले आहे. तशा संबंधित विभागाला सूचना निवासी जिल्हाधिकारी ज्योती कदम यांनी एका आदेशाने दिल्या आहेत. निवडणुकीचा कार्यक्रम संपल्यानंतर पुन्हा नव्याने सुनावणी घेतली जाणार आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com