नागेश्‍वर विद्यालयाला ७९ लाख रुपयांची मदत

शेटफळगढे, ता. १४ : शेटफळगढे (ता. इंदापूर) येथील रयत शिक्षण संस्थेच्या नागेश्‍वर विद्यालयाला ७९ लाख रुपयांची आर्थिक मदत बारामती ॲग्रो तर्फे करण्यात आली. त्यानिमित्त बारामती ॲग्रोचे उपाध्यक्ष सुभाष गुळवे, आमदार रोहित पवार यांचा सत्कार खासदार व रयत शिक्षण संस्थेचे अध्यक्ष शरद पवार यांच्या हस्ते करण्यात आला.
रयत शिक्षण संस्था सातारा यांच्या वतीने दिल्लीत शुक्रवारी (ता. ९) पद्मभूषण डॉ. कर्मवीर भाऊराव पाटील यांच्या पुण्यतिथीनिमित्त कार्यक्रम घेण्यात आला. यावेळी उपमुख्यमंत्री अजित पवार, दिलीप वळसे पाटील, खासदार सुप्रिया सुळे, अनिल पाटील, चंद्रकांत दळवी उपस्थित होते. नागेश्‍वर विद्यालयास ही मदत सीमा भिंत, प्रवेशद्वार स्वागत कमान, अद्ययावत प्रयोगशाळा या कार्यासाठी करण्यात आली आहे. याबद्दल आमदार रोहित पवार, बारामती ॲग्रोचे उपाध्यक्ष सुभाष गुळवे यांचा स्मृतिचिन्ह देऊन सन्मान करण्यात आला.