दुष्काळी निरगुडे, शेटफळगढेवर वरुणराजाची कृपा

शेटफळगढे , ता २९ : इंदापूर तालुक्याच्या पश्चिम भागातील निरगुडे, शेटफळगढे, अकोले, लाकडी, निबोंडी, वायसेवाडी ही कायम दुष्काळी गावी आहेत. मात्र यंदाच्या वर्षी पावसाळा सुरू होण्याआधीच मे महिन्यात वरुणराजाची या भागावर कृपा झाली. यंदा याच दुष्काळी विहिरी ओसंडून वाहू लागल्या आहेत. त्यामुळे शेतकरी वर्गामध्ये समाधानाचे वातावरण आहे.

यापूर्वी कधीही भर उन्हाळ्यामध्ये या विहिरी पाण्याने काठोकाठ भरल्या नव्हत्या असे येथील शेतकरी सांगतात. पश्चिम भागातील येणारी गावे सतत दुष्काळाच्या छायेत असतात यंदा मात्र प्रथमच जून येण्यापूर्वीच पावसाने कृपा दाखवली. त्यामुळे परिसर जलमय झाला आहे. परिसरातील असलेले ओढे नाले ओसंडून वाहू लागले आहेत. परिणामी विहिरींच्या पाण्याची पातळी वाढली असून विहिरी काठोकाठ भरल्या आहेत. त्यामुळे शेतकऱ्यांमध्ये समाधान व्यक्त होत आहे भाद्रपद महिन्याशिवाय या परिसरातील तलाव व विहिरी ओसंडून वाहत नव्हत्या मात्र आषाढापूर्वीच विहिरी वाहू लागल्याने शेतकरी समाधान व्यक्त करत आहे

माझे वय ६५ आहे. माझ्या कळत्या पणापासून आज तागायत एवढा मोठा पाऊस झाला नाही. व आषाढापूर्वीच विहिरी ओसंडून वाहत नव्हत्या. मात्र, यंदा पहिल्यांदाच हे घडल्याने आता शेतकऱ्यांना नवीन पिके घेण्यास अडचणी येणार नाहीत.
- भानुदास सोलनकर,शेतकरी.वायसेवाडी

अनेकदा पावसाळ्याच्या सुरुवातीला समाधानकारक पाऊस न झाल्याने आषाढ महिन्यातच उभी पिके जळाली आहेत.यंदा मात्र पहिल्यांदाच एवढ्या मोठ्या प्रमाणात पाऊस झाल्याने जमिनीतील पाण्याची पातळी याचा फायदा विहिरींना झालाय परिणामी विहिरी सुरुवातीलाच भरून वाहू लागल्या आहेत परिणामी पडसाळी लागणे करणे शेतकऱ्यांना सोपे झाले आहे.
- सतीश चांदगुडे , म्हसोबाचीवाडी

सतत दुष्काळामुळे आम्हाला या दिवसात शेतात पाणी नव्हेत जनावरांना पाण्यासाठी भटकंती करावी लागत होते त्यातच विहिरीने तळ गाटलेला असायचा आता मात्र वरुणराजाकृपेने आमच्या विहिरी ओसंडून वाहू लागल्याने शेतीच्या व जनावरांच्या पाण्याचा प्रश्न सुटला आहे. तसेच आमच्या मुलांना पोहण्यासाठी पाणी उपलब्ध झाले आहे.
- महादेव सांगळे, लाकडी

01540