सुप्यात आज ‘महाराजस्व समाधान’ अभियान

सुपे, ता. २९ : सुपे (ता. बारामती) येथे बुधवारी (ता. ३० जुलै) छत्रपती श्री शिवाजी महाराज महाराजस्व समाधान शिबिराचे आयोजन केले आहे. या अभियानांतर्गत शेतकरी व ग्रामस्थांच्या तक्रारीचे जलद निराकरण करण्यासाठी सरकारने विशेष मोहीम हाती घेतली आहे. ग्रामीण भागातील सर्वसामान्य जनता, शेतकरी, विद्यार्थी आणि महिलांचे महसूल विभागाच्या संबंधित दैनंदिन प्रश्नांचे निराकरण करून जनतेच्या तक्रारी निकालात काढणे. तसेच महसूल प्रशासन अधिक लोकाभिमुख, कार्यक्षम व गतिमान करण्यासाठी मंडळस्तरावर ‘महाराजस्व समाधान’ शिबिराचे आयोजन केले आहे.
बुधवारी सकाळी १० वाजता पूजा गार्डन कार्यालय येथे हा कार्यक्रम होत आहे. सामाजिक लाभाच्या योजना, महसूल विभागाशी संबंधित सर्व दाखले, पुरवठा विभाग, आधार कार्ड अपडेशन, पंचायत समितीअंतर्गत विकास योजना, महिला व बाल कल्याण विकास योजना, समाज कल्याण योजना, विजेच्या योजना, तालुका कृषी विभागाच्या योजना आदींचा लाभ देण्यात येणार आहे. या शिबिराचा लाभ घ्यावा, असे आवाहन तहसीलदार गणेश शिंदे यांनी केले आहे.