सुप्यात गुणवंतांचा सत्कार

सुपे, ता. ५ : सुपे (ता. बारामती) येथील साठेनगर परिसरात रविवारी (ता. ३) लोकशाहीर अण्णा भाऊ साठे यांची जयंती साजरी करण्यात आली. यानिमित्त पुतळ्याचे पूजन, मिरवणूक, व्याख्यान, गुणवंत विद्यार्थिनींचा सत्कार करण्यात आला.
सुदर्शन धायगुडे यांचे अण्णा भाऊ साठे यांच्या जीवन चरित्रावर आधारित व्याख्यान झाले. सायंकाळी सजवलेल्या रथातून साठे यांच्या अर्ध पुतळ्याची प्राजक्ता मतिमंद निवासी शाळेपासून बसस्थानकापर्यंत गावातील मुख्य बाजार पेठेतून सवाद्य मिरवणूक काढण्यात आली. या मिरवणुकीत अलंकार डीजे, दोस्ती बॅन्ड पथकासह कार्यकर्ते बहुसंख्येने सहभागी झाले होते.
याप्रसंगी बारामती कृषी उत्पन्न बाजार समितीचे संचालक अरुण सकट, सरपंच तुषार हिरवे, उपसरपंच शंकर शेंडगे, अश्विनी सकट, नीता बारवकर, साधू सकट, अशोक सकट, गोरख सकट, नरेंद्र सकट, रघुनाथ सकट, कुंडलिक सकट, अनिल सकट, राजेंद्र सकट, शांताराम सकट, सुनील सकट आदी उपस्थित होते.