जिजाऊ संस्थेच्या अध्यक्षपदी चोरमले

सुपे, ता. ६ : कुतवळवाडी (ता. बारामती) येथील राजमाता जिजाऊ विविध कार्यकारी सहकारी संस्थेच्या अध्यक्षपदी बापूराव चोरमले, तर उपाध्यक्षपदी गजानन नाळे यांची बिनविरोध निवड झाली. संस्थेच्या पदाधिकाऱ्यांनी राजीनामा दिल्याने रिक्त पदी या निवडी केल्याची माहिती संस्थेचे सहसचिव अभिजित काळखैरे यांनी दिली. अध्यासी अधिकारी म्हणून सहाय्यक निबंध सहकारी संस्थेच्या कार्यालयातील प्रमोद दुर्गाडे यांनी कामकाज पाहिले. त्यांना सचिव संजय झगडे यांनी निवडणूक कामकाजासाठी मदत केली. निवडीनंतर नूतन पदाधिकाऱ्यांचा संस्थेच्या वतीने सत्कार करण्यात आला. याप्रसंगी बारामती बाजार समितीचे संचालक अरुण सकट, मावळते पदाधिकारी तानाजी बोरकर, दत्तात्रेय कुतवळ, संचालक विजय कुतवळ, नानासाहेब बोरकर, कार्यकर्ते उमेश चोरमले, शंकर शेंडगे, सुयश जाधव, शंकर बोरकर, हरिभाऊ बोरकर आदी उपस्थित होते.