सुपे, ता. ३ ः दंडवाडी (ता. बारामती) गावच्या हद्दीतील खोपवाडी परिसरात भटक्या कुत्र्यांच्या टोळीने उच्छाद मांडला आहे. त्यांनी दोन शेतकऱ्यांच्या गोठ्यातील तीन वासरांचा फडशा पाडला आहे. या कुत्र्यांचा बंदोबस्त करण्याची मागणी येथील शेतकऱ्यांनी केली आहे.
या गावात सुमारे ५० कुक्कुटपालन केंद्र आहेत. येथील मेलेल्या कोंबड्या खाण्यासाठी भटकी कुत्री टोळक्याने फिरत असतात. जर कधी कोंबड्या मिळाल्या नाहीत, तर गोठ्यातील वासरांकडे ते मोर्चा वळवतात. दक्षिण खोपवाडीतील किरण चांदगुडे यांच्या गोठ्यातील एक कालवड, तर पोलिस पाटील गणेश चांदगुडे यांच्या गोठ्यातील दोन वासरांचा कुत्र्यांनी फडशा पाडल्याची माहिती शेतकऱ्यांनी दिली आहे.
या परिसरात सध्या पिके जोमदार आली आहेत. खुरपणी किंवा शेतीच्या कामासाठी एकटा माणूस गेला तर त्याच्यावरही भटकी कुत्री हल्ला करण्याची शक्यता आहे. घरात लहान व शाळकरी मुलांना धोका होऊ शकतो. हातातोंडाशी आलेल्या पिकांची भटकी कुत्री नासाडी करीत आहेत.
परिसरातील कुक्कुटपालन केंद्र मालकांना ग्रामपंचायतीमार्फत समजपत्र दिली आहेत. मेलेल्या कोंबड्यांची योग्य विल्हेवाट लावावी, अशा सूचनाही दिलेल्या आहेत. मात्र, काहीजण ऐकत नाहीत. मेलेल्या कोंबड्या उघड्यावर टाकल्याने भटकी कुत्री या कोंबड्या खाऊन हिंस्र बनली आहेत. याबाबत संबंधित कंपन्यांनाही आम्ही पत्रव्यवहार करीत आहोत.
- संजय चांदगुडे, सरपंच
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.