सुप्यात आजपासून प्राजक्ता व्याख्यानमाला

सुपे, ता. ५ : सुपे (ता. बारामती) येथे मंगळवारपासून (ता. ६) प्राजक्ता व्याख्यानाला सुरू होत आहे. येथील प्राजक्ता मतिमंद निवासी शाळेच्या सभागृहात ही व्याख्यानमाला होत आहे. मंगळवारी (ता. ६) ग्रामीण कथाकार प्रा. रवींद्र कोकरे (विषय : हास्यकरंजी), बुधवारी (ता. ७) कोल्हापूर येथील नैसर्गिक शेतीचे गाढे अभ्यासक राहुल टोपले (विषय : नैसर्गिक शेती अर्थात विषमुक्त जीवनशैली व आनंदी जीवन), गुरुवारी (ता.८) सोलापूरचे माजी आमदार ॲड. रामहरी रुपनवर पाटील (विषय : मानवी जीवनाचे महत्त्व), शुक्रवारी (ता. २३) स्वराज्य संकल्पक श्रीशहाजीराजे भोसले यांच्या पुण्यतिथीनिमित्त सकाळी दहाच्या दरम्यान बारामतीचे उपप्रादेशिक परिवहन अधिकारी सुरेंद्र निकम (विषय : सुरक्षित वाहतूक व अपघात टाळण्यासाठी) या विषयावर महाविद्यालयीन विद्यार्थ्यांसाठी मार्गदर्शन करण्यात येणार आहे. दरम्यान, मोफत आरोग्य तपासणी शिबिर घेण्यात येणार आहे. रात्री आठच्या दरम्यान पुण्यातील राकेश पिंजन सरकार यांचे ‘महाराजसाहेब तुम्ही होतात म्हणून...’ या विषयावर व्याख्यान होणार असल्याची माहिती जीवन साधना फाउंडेशन या सेवाभावी संस्थेच्या संचालकांनी दिली.