शिरूरच्या पाचर्णे यांची पंढरपूरच्या मंदिरास देणगी

शिरूरच्या पाचर्णे यांची पंढरपूरच्या मंदिरास देणगी

शिरूर, ता. ३ : तर्डोबाची वाडी (ता. शिरूर) येथील श्री काळभैरवनाथ देवस्थान ट्रस्टचे मुख्य विश्वस्त, राष्ट्रवादी काँग्रेस शरदचंद्र पवार पक्षाच्या ज्येष्ठ नागरिक सेलचे उपजिल्हाध्यक्ष सुरेश पाचर्णे यांनी आई-वडीलांच्या स्मरणार्थ पंढरपूरच्या विठ्ठल-रुक्मिणी मंदिर समितीला एक लाख एक हजार १११ रुपयांची देणगी दिली.
सुरेश पाचर्णे यांचे वडील ठकाजी आणि आई कलाबाई यांचे काही वर्षांपूर्वी निधन झाले. पांडुरंगावर त्यांची निस्सीम श्रद्धा होती. आषाढी वारी काळात ते पंढरपूरला दर्शनासाठी जायचे. त्यामुळे आषाढी वारी सुरू झाल्याने सुरेश पाचर्णे यांनी पंढरपूर येथे जाऊन एक लाख एक हजार एकशे अकरा रुपयांची देणगी समितीकडे सुपूर्द केली. यावेळी त्यांच्यासमवेत राष्ट्रवादी काँग्रेस शरदचंद्र पवार पक्षाच्या ज्येष्ठ नागरिक सेलचे जिल्हाध्यक्ष नामदेवराव गिरमकर, सरदवाडी येथील तंटामुक्त गाव समितीचे अध्यक्ष गौतम घावटे, सामाजिक कार्यकर्ते गोरख घावटे आदी उपस्थित होते. या देणगी नंतर श्री विठ्ठल-रुक्मिणी मंदिर समितीच्या वतीने पाचर्णे यांना तहसीलदार बालाजी पुदलवाड यांच्या हस्ते विठ्ठल-रुक्मिणी ची प्रतिमा देऊन सन्मानित करण्यात आले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com