Pune
Pune

पुणे : बंडगार्डन रोड येथील अतिक्रमणावर अखेर कारवाई

प्रशासनाने अतिक्रमण धारकांना नोटीसही बजावली होती. याविरोधात मुंबई हायकोर्टात याचिकाही दाखल झाली होती

पुणे : पुण्यातील बंडगार्डन येथील अतिक्रमणावर अखेर गुरूवारी कारवाई करण्यात आली. बंडगार्डन रोड येथे केंद्र सरकारच्या अखत्यारित येणाऱ्या जागेवर अतिक्रमण करण्यात आले होते. कडेकोट पोलीस बंदोबस्तात अतिक्रमण विरोधी पथकाने गुरुवारी अतिक्रमण पाडले.

बंडगार्डन रोड येथील प्लॉट नंबर २४६ येथे अतिक्रमण झाले होते. या मिळकतीवर एकूण १३३ अतिक्रमणं होती. यात ३५ रहिवासी, वाणिज्य ९४, मंदिर ३ आणि एक सार्वजनिक स्वच्छतागृह याचा समावेश होता. ही अतिक्रमणं २० ते २५ वर्षांपासून होती. प्रशासनाने अतिक्रमण धारकांना नोटीसही बजावली होती. याविरोधात मुंबई हायकोर्टात याचिकाही दाखल झाली. मात्र, न्यायालयाकडून या अतिक्रमण धारकांना दिलासा मिळाला नव्हता.

अखेर गुरुवारी अतिक्रमण विरोधी पथकने या अतिक्रमणावर कारवाई केली.  पोलीस उपायुक्त समर्थना पाटील, उपविभागीय अधिकारी स्नेहल पिशवी देवकाते, व्यवस्थापक संचित मालमत्ता तथा तहसीलदार पुणे शहर सूर्यकांत येवले, तहसीलदार शंकर,  दुबे शितल देसाई सीमा गेंजे तसेच अतिक्रमण विभागाचे अधिकारी कर्मचारी एमएसईबी चे अधिकारी यांच्या संयुक्त पथकाने सदरची कारवाई केली.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com