महागणपतीस मोसंब्यांचा महानैवेद्य

शिरूर, ता. २९ : विनायकी चतुर्थी व श्रावणी सोमवारनिमित्त रांजणगाव गणपती (ता. शिरूर) येथील महागणपती मंदिरात विविध धार्मिक आणि सामाजिक उपक्रमांचे आयोजन केले होते. दिवंगत मुख्य विश्वस्त वसंतराव मोरेश्वर देव यांच्या स्मृतिप्रीत्यर्थ महागणपतीस १००१ मोसंब्यांचा महानैवेद्य दाखविण्यात आला.
विनायकी चतुर्थीनिमित्त, पहाटे पाच वाजता श्रीं चा अभिषेक करून मंदिर भाविकांना दर्शनासाठी खुले केले. तसेच सकाळी सात वाजता गणेश याग, दहा वाजता सत्यविनायक पूजा केली. दुपारी १२ वाजता रांजणगाव गणपती देवस्थान ट्रस्टचे मुख्य विश्वस्त डॉ. ओंकार देव यांच्या हस्ते महापूजा करून महागणपतीला शाही वस्त्र आणि सुवर्णालंकार परिधान केले. दर्शन रांगेतील भाविकांच्या उपस्थितीत आरती झाल्यानंतर मोसंब्यांचा महानैवेद्य दाखविण्यात आला. प्रगतशील शेतकरी आनंदराव दिनकरराव पाचुंदकर यांच्या वतीने महाप्रसादाचे आयोजन केले होते.
यावेळी ट्रस्टच्या अध्यक्षा स्वाती पाचुंदकर, उपाध्यक्ष संदीप दौंडकर, सचिव डॉ. तुषार पाचुंदकर, खजिनदार विजय देव, व्यवस्थापक बाळासाहेब गोऱ्हे व पांडुरंग चोरगे, हिशेबनीस संतोष रणपिसे उपस्थित होते. रांजणगाव एमआयडीसी पोलिस