सासवडला बांधकामावरील लोखंडी प्लेट चोरीला

सासवड, ता. २२ ः येथील सासवड शहरातील सोनोरी रस्त्याच्या नजिक शिवाजी इंग्लिश मीडियम स्कूलच्या मागे व्यंकटेश नंदनवन या गृहप्रकल्पाचे बांधकाम सुरू आहे. तिथे ए विंगमध्ये ठेवलेल्या सेंट्रीग कामाच्या लोखंडी एकूण ९० प्लेट किंमत ७२,००० रुपयांच्या अज्ञात चोरट्याने चोरुन नेल्या. याबाबत फिर्यादी रोहन राजेंद्र जगताप (वय ३०, व्यवसाय-सिव्हिल काॅन्टॅक्टर, रा. चव्हाण काॅर्नर, सुमन अंजली निवास, घर नं. ६५१, सासवड ता. पुरंदर) यांनी अज्ञात चोरट्यांविरुद्ध फिर्याद दिली. त्यावरुन चोरीचा गुन्हा दाखल केला आहे.

ही घटना शुक्रवारी (ता. २१) रोजी पहाटे अडीच्या सुमारास घडली. चोरटा जरी अज्ञात असला, तरी ज्या वाहनातून या लोखंडी प्लेट चोरुन नेल्या. त्या वाहनाचा नंबर फिर्यादीने मिळवला आहे. या वाहनच म्हणजेच छोटा हत्ती टेम्पो नंबर (एम.एच. १२ जी.टी. ४०७१) असा आहे. या टेम्पोमधूनच दोन अज्ञात चोरट्यांनी प्लेट चोरुन नेल्या, अशी माहिती पोलिस निरीक्षक अण्णासाहेब घोलप यांनी दिली.

..