पार्किंगच्या वादातून सासवडमध्ये दांपत्याला मारहाण

सासवड, ता. १६ : सासवड येथे वाहनांच्या पार्किंगच्या वादातून दांपत्याला मारहाण केल्याप्रकरणी आठ जणांवर सासवड पोलिस ठाण्यात गुन्हा दाखल केला आहे.
पार्किंगच्या कारणावरून मच्छिंद्र विष्णू पवार, वैशाली मच्छिंद्र पवार, आकाश मच्छिंद्र पवार, मिलिंद इनामके, रोहीत भोईटे, श्रेयस जगताप, आनंद राजिवडे, तन्मय राजिवडे (सर्व रा. सासवड, ता. पुरंदर) यांनी फिर्यादीसह त्यांच्या पतीला शिवीगाळ व मारहाण करून जीवे मारण्याची धमकी दिली. यामध्ये फिर्यादीच्या पतीची अडीच ग्रॅम वजनाची सोनसाखळी गहाळ झाली, तसेच मोबाईलचेही नुकसान झाले आहे. यानंतर आरोपींनी फिर्यादीच्या घरात घुसून त्यांचा विनयभंग केल्याचे फिर्यादीत नमूद केले आहे. यावरून पोलिसांनी गुन्हा दाखल केला आहे. पोलिस निरीक्षक ऋषिकेश अधिकारी यांच्या मार्गदर्शनाखाली पुढील तपास सुरू आहे.