पुरंदरचा बारावीचा निकाल ९८.४७ टक्के

सासवड, ता. ६ : नुकत्याच जाहीर झालेल्या बारावी बोर्डाच्या निकालात पुरंदर तालुक्याने उत्कृष्ट कामगिरी करत तब्बल ८९.४७ टक्के निकाल नोंदवला आहे.
तालुक्यातील एकूण १७ महाविद्यालयांतील २३७६ विद्यार्थ्यांनी बारावीची परीक्षा दिली होती, त्यापैकी २१२६ विद्यार्थी यशस्वी झाले आहेत. तालुक्यातील शिवाजी इंग्लिश मीडियम स्कूल, सासवड आणि ली. रि. कन्या विद्यालय नीरा या दोन महाविद्यालयांनी १०० टक्के निकाल नोंदवला.
इतर विद्यालयांचा निकाल- कर्मवीर भाऊराव पाटील विद्यालय परिंचे- ८५.७१ टक्के, वाघिरे कॉलेज सासवड- ९२.४८ टक्के, किलाचंद विद्यालय नीरा- ८२.५० टक्के, महर्षी वाल्मीकी विद्यालय वाल्हे- ८६.०४ टक्के, पुरंदर ज्युनिअर कॉलेज सासवड- ९१.२० टक्के, ए. सी. हुंडेकरी कॉलेज जेजुरी- ७८.४४ टक्के, डॉ. शंकरराव कोलते ज्युनिअर कॉलेज पिसर्वे- ९८.१४ टक्के, एम.इ.एस. वाघिरे विद्यालय सासवड- ९०.४१ टक्के, केदारेश्वर विद्यालय काळदरी- ९६ टक्के, जिजामाता ज्युनिअर कॉलेज जेजुरी- ९०.६६ टक्के, रिसे पिसे ज्युनिअर कॉलेज- ८३.३३ टक्के, महात्मा जोतिराव फुले विद्यालय शिवरी- ९०.७४ टक्के, वाघिरे कॉलेज सासवड (व्यावसायिक विभाग)- ९१.१७ टक्के, पुरंदर ज्युनिअर कॉलेज सासवड (व्यावसायिक)- ६४.०६ टक्के आणि पंचक्रोशी तांत्रिक शेतकरी विद्यालय वाघापूर- ६७.६४ टक्के.