सासवडच्या विद्यार्थ्यांना आत्मसंरक्षणाचे धडे

सासवड, ता. १४ : येथे स्व. एकनाथकाका जगताप प्रतिष्ठान, सासवड आणि चॅम्पियन्स मार्शल आर्ट अँड स्पोर्ट्स ॲकॅडमी, पुणे यांच्या वतीने विद्यार्थ्यांची क्यू बेल्ट परीक्षा उत्साहात पार पडली. यात तब्बल २५० विद्यार्थ्यांचा सहभाग होता. यापैकी ३५ विद्यार्थी ‘बेस्ट खेळाडू’ पुरस्काराचे मानकरी ठरले. पुरस्कार वितरणप्रसंगी प्रतिष्ठानचे अध्यक्ष संतोष जगताप यांनी मनोगत व्यक्त केले. गेल्या चार वर्षांपासून जगताप प्रतिष्ठान आणि चॅम्पियन्स मार्शल आर्ट अँड स्पोर्ट्स ॲकॅडमी यांच्या सहकार्याने सासवडमध्ये कराटे खेळाची मुहूर्तमेढ रोवली गेली आहे. आज या उपक्रमाचा असंख्य विद्यार्थ्यांना लाभ होत आहे.