जमीन मोबदल्यास शेतकऱ्यांचा विरोध

जमीन मोबदल्यास शेतकऱ्यांचा विरोध
Published on

सासवड, ता. १८ : पुरंदर तालुक्यातील प्रस्तावित आंतरराष्ट्रीय विमानतळासाठी जमिनी देणाऱ्या शेतकऱ्यांना एकूण जमिनीच्या १० टक्के विकसित भूखंड आणि बाजारभावाच्या चारपट दराने मोबदला देण्याचा राज्य सरकारचा निर्णय शेतकऱ्यांनी फेटाळला आहे. मुख्यमंत्री देवेंद्र फडणवीस यांच्या उपस्थितीत गुरुवारी (१७ जुलै) मुंबईत हा निर्णय घेण्यात आला असला तरी, विमानतळ बाधित शेतकऱ्यांमध्ये यामुळे असंतोष आहे.
जिल्हाधिकारी जितेंद्र डुडी यांनी, स्वेच्छेने जमीन देणाऱ्यांना चारपट आर्थिक मोबदला आणि १० टक्के विकसित भूखंड मिळेल, तर संमती न देणाऱ्यांना केवळ आर्थिक मोबदला मिळेल, असे जाहीर केले आहे. तसेच, ‘एमआयडीसी’ पुनर्वसन कायद्यानुसार बाधित कुटुंबातील सदस्यांना नोकरीची संधीही दिली जाणार आहे. या निर्णयामुळे भूसंपादन प्रक्रिया वेगवान होईल, असे जिल्हाधिकाऱ्यांचे म्हणणे असले तरी, शेतकऱ्यांनी या अटींवर नाराजी व्यक्त केली आहे.
याबाबत विमानतळ संघर्ष समितीचे प्रमुख पी.एस. मेमाणे म्हणाले की, शासनावर चुकीची माहिती पसरविल्याचा आरोप केला आहे. पारगाव ९०२, खानवडी २३६, वनपुरी ४५३, उदाचीवाडी १७४, कुंभारवळण ३९४, एखतपूर ७३ आणि मुंजवडी ७५ अशा एकूण २३०७ जणांनी हरकती नोंदविल्या. यातील १९८८ हरकतींवर शासनाने सुनावणी घेतल्या. यापैकी १८९५ शेतकऱ्यांनी लेखी देऊन विरोध दर्शविला तर केवळ ९३ जणांनी संमती दर्शविली. संमती दिलेले हे सर्व बाहेरील गुंतवणूकदार असल्याचे सांगत मेमाणे यांनी याचे प्रमाण पाहिले तर ९५ टक्केहून अधिक शेतकऱ्यांचा याला विरोध असेन" असा संतप्त सवाल मेमाणे यांनी केला.
२०१९ चा एमआयडीसी पुनर्वसन कायदा शेतकऱ्यांचे उच्चाटन करण्यासाठी आणला आहे का, असा प्रश्न मेमाणे यांनी उपस्थित करत ते म्हणाले की, शेतकऱ्यांनी दररोज रस्त्यावर उतरणे त्यांच्यासाठी शक्य नाही कारण त्यांच्यासमोर पोटाचा प्रश्न आहे. ज्यांची जमीन यात जात नाही, ती लोक जिल्हाधिकाऱ्यांची चुकीची माहिती देऊन दिशाभूल करत असल्याचा आरोपही त्यांनी केला. त्यामुळे शासनाने ९५ टक्के शेतकऱ्यांच्या विरोधाचा विचार करावा, असे आवाहन मेमाणे यांनी केले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com