लोकोपयोगी उपक्रम राबविणार : राजपूत

सासवड, ता. ३१: पुरंदर तालुक्यात महसूल सप्ताहाचे एक ते सात ऑगस्ट या कालावधीत आयोजन केले आहे. महसूलमंत्री चंद्रशेखर बावनकुळे आणि जिल्हाधिकारी जितेंद्र डुडी यांच्या सूचनेनुसार हा सप्ताह साजरा होत असून, यामध्ये विविध लोकोपयोगी उपक्रम राबवले जाणार असल्याची माहिती पुरंदरचे तहसीलदार विक्रम राजपूत यांनी गुरुवारी (दि. ३१) दिली. यावेळी नायब तहसीलदार संदीप पाटील ही उपस्थित होते.
या महसूल सप्ताहातील उपक्रमांमुळे नागरिकांना महसूल विभागाच्या विविध सेवा आणि योजनांचा लाभ घेता येणार आहे असल्याचे तहसीलदार विक्रम राजपूत यांनी सांगितले.
यामध्ये महसूल विभागातील उत्कृष्ट काम करणाऱ्या कर्मचाऱ्यांचा सत्कार करण्यात येणार आहे. तसेच, त्यांच्या सेवेविषयक प्रलंबित बाबींची पूर्तता केली जाईल. तसेच ‘महाराजस्व’ अभियान मंडळनिहाय साजरे केले जाईल. तालुकास्तरीय कार्यक्रम दिवे येथे होणार आहे, असे राजपूत यांनी सांगितले.