प्रशासकीय दिरंगाईचा सासवडमध्ये फटका

सासवड, ता. २ : ​सासवड नगरपरिषद निवडणुकीचे मतदान शांततेत पार पडले. पण प्रशासकीय दिरंगाईमुळे मतदान कर्मचारी ताटकळल्याने त्यांनी रोष व्यक्त केला.
मतदान साहित्य जमा करून घेण्यासाठी जबाबदार यंत्रणेने जवळपास दीड तास उशीर लावला. नगरपरिषदेच्या प्रांगणात सुमारे २०० ते २५० कर्मचारी अक्षरशः थंडीत गारठत बसले. याबरोबरच मतदानाची वेळ संपल्यानंतरही प्रशासनाकडून निवडणुकीची अंतिम टक्केवारी जाहीर करण्यासाठी तब्बल साडेतीन तास उलटूनही कोणतीही अधिकृत माहिती देण्यात आली नव्हती. ​दिवसभराची मेहनत आणि रात्रीचा विलंबामुळे कर्मचाऱ्यांमध्ये प्रशासनाविरुद्ध नाराजीचा सूर उमटला.