तळेगाव ढमढेरे येथे सावता माळी दिंडीचे स्वागत

तळेगाव ढमढेरे, ता. ७ : तळेगाव ढमढेरे (ता. शिरूर) चिमणापीरमळा येथे हंगेवाडी (ता. श्रीगोंदा) येथून आलेल्या संत शिरोमणी सावता माळी पायीवारी दिंडीचे बुधवारी ग्रामस्थांनी स्वागत केले. यावेळी पिंगळेवस्तीवरील ग्रामस्थांनी दिंडी चालक गेणा महाराज रायकर, भाऊसाहेब धायगुडे आणि वारकऱ्यांचे स्वागत केले. पंधरा वर्षांपासून पिंगळे कुटुंबातर्फे दिंडी सोहळ्यातील सर्व वारकऱ्यांची निवास, भोजनाची व्यवस्था केली जाते. यावेळी जिल्हा परिषदेच्या माजी सदस्य रेखा बांदल, उपसरपंच मोहिनी पिंगळे, उद्योजक महेंद्र पिंगळे, वसंतराव भुजबळ, सोसायटीचे संचालक बाळासाहेब ढमढेरे, अरुण पिंगळे, पोपट पिंगळे, संजय पिंगळे, बाबा पिंगळे, माजी उपसरपंच मच्छिंद्र भुजबळ उपस्थित होते. रात्रभर भजन व कीर्तनाचा कार्यक्रम झाला. गुरुवारी या पालखीचे आळंदीकडे टाळ मृदुंगाच्या गजरात प्रस्थान झाले.