धानोरेत वखारीतील २० टन कांदा भिजला
तळेगाव ढमढेरे, ता.३० : धानोरे (ता.शिरूर) येथे वखारीमध्ये साठवून ठेवलेल्या कांद्याचे पावसामुळे नुकसान झाले आहे. येथील शेतकरी बापूसाहेब मल्हारी शेळके यांच्या वखारीतील सुमारे २० टन कांदा पावसाने भिजल्यामुळे नुकसान झाले आहे.
बाजारभाव चांगला मिळेल, या अपेक्षेने शेतकऱ्यांनी वखारीमध्ये कांदा साठवून ठेवला आहे. परंतु मॉन्सूनपूर्व अवकाळी पावसामुळे कांदा भिजल्याने शेतकऱ्याचे आर्थिक नुकसान झाले आहे. शासनाने त्वरित कांद्याची नुकसान भरपाई द्यावी, अशी मागणी श्री शेळके यांनी केली आहे. श्री शेळके यांच्या नुकसानग्रस्त कांद्याची तलाठी गोविंद घोडके यांनी शुक्रवारी पाणी केली आहे.
परिसरातील सर्व नुकसानग्रस्त शेतकऱ्यांच्या नुकसानीचे प्रशासनाने त्वरित पंचनामा करून नुकसानग्रस्त शेतकऱ्यांना न्याय द्यावा अशी मागणी शेतकऱ्यांनी केली आहे.
दरम्यान, मान्सूनपूर्व अवकाळी पावसामुळे तळेगाव ढमढेरे, धानोरे, विठ्ठलवाडी, कासारी, कोंढापुरी, निमगाव म्हाळुंगी, टाकळी भीमा, भांबर्डे, करंजावणे आदी गावातील शेतकऱ्यांच्या पिकांचे, कांद्याचे तसेच फळबागांचे नुकसान झाले आहे या गावातील नुकसानग्रस्त शेतकऱ्यांच्या पिकांची पाहणी करून नुकसान भरपाई द्यावी, अशी मागणी पंचायत समितीचे माजी सदस्य सुनील वडघुले व शेतकऱ्यांनी केली आहे.
07553
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.