तळेगावात बिबट्यासाठी जेरबंद करण्यासाठी पिंजरा

तळेगाव ढमढेरे, ता.२९: तळेगाव ढमढेरे (ता. शिरूर) येथील जिल्हा बँकेचे माजी उपाध्यक्ष बाळासाहेब नरके यांच्या घरातील प्रांगणात बुधवारी (ता.२३) रात्री बिबट्याचे दर्शन झाले होते. तो सीसीटीव्ही कॅमेरात कैद झाले होते. यामुळे वनविभागाने तातडीने नरके यांच्या घराभोवतालच्या परिसराची पाहणी करून सोमवारी (ता.२८) सायंकाळी बिबट्याला पकडण्यासाठी पिंजरा लावला. यावेळी जिल्हा बँकेचे माजी उपाध्यक्ष बाळासाहेब नरके, अभिजित नरके तसेच वनविभागाचे कर्मचारी उपस्थित होते.
दरम्यान, बिबट्याच्या दहशतीमुळे नागरिकांमध्ये भीती याबाबत शुक्रवारी (ता.२५) सकाळमध्ये बातमी प्रसिद्ध झाले होते.
तळेगाव ढमढेरे परिसरात विविध वस्त्यांवर बिबट्याचे वास्तव्य असून, वनविभागाने येथील परिसराचीही पाहणी करून पिंजरा लावावा अशी मागणी सरपंच स्वाती लांडे, तंटामुक्तीचे माजी अध्यक्ष रमेश भुजबळ यांनी केली आहे.

07825