शेळी, मेंढी, बोकडांची तळेगावात आवक सुरू

तळेगाव ढमढेरे, ता.८: तळेगाव ढमढेरे (ता. शिरूर) येथील शिरूर कृषी उत्पन्न बाजार समितीच्या महात्मा फुले उपबाजारात सोमवारी शेळी, मेंढी व बोकडाची आवक सुरू झाली आहे. श्रावण महिना व गणेशोत्सव संपल्यानंतर येथील बाजारात शेळी, बोकड व मेंढ्यांची बऱ्यापैकी आवक झाली असल्याचे बाजार समितीचे सचिव अनिल ढोकले व सहाय्यक सचिव अनिल ढमढेरे यांनी सांगितले.
शेळी व बोकडाला ७००० हजार ते २०००० हजार रुपयांपर्यंत बाजारभाव मिळाला तसेच मेंढीला ४००० ते ७००० हजार रुपये बाजारभाव मिळाला. गावरान अंडी सहा रुपये तर कोंबडीला ३०० ते ४०० रुपयांपर्यंत बाजारभाव मिळाला.
पुणे, अहिल्यानगर, सोलापूर, सातारा, मुंबई आदी ठिकाणचे व्यापारी बाजारात आले होते. तसेच शिरूर, हवेली, दौंड, अहिल्यानगर आदी तालुक्यातील पशुपालकांनी शेळी, बोकड व मेंढी विक्रीसाठी आणल्या होत्या.