कोंढापुरीत अनाथ मुलांना साहित्य वाटप

तळेगाव ढमढेरे, ता. २ : कोंढापुरी (ता. शिरूर) येथील गुरुकुल वसतिगृहातील अनाथ मुलांना जीवनावश्यक वस्तूंचे वाटप करण्यात आले. शिक्रापूर येथील विद्याधाम प्रशालेतील वर्ष १९७४- ७५मधील बॅचच्या जुन्या अकरावीमधील (मॅट्रिक) माजी विद्यार्थ्यांतर्फे स्नेहमेळाव्यातील शिल्लक रकमेतून जीवनावश्यक वस्तूंचे वाटप करण्यात आले. यामध्ये गहू, तांदूळ, साखर, तेल, शेंगदाणे, साबुदाणा, पोहे, रवा, तूरडाळ, चहा, पावडर व मसाले आदी जीवनावश्यक वस्तूंचे वाटप करण्यात आले. यावेळी वसतिगृहाचे प्रमुख शिवाजी शिंदे यांनी वस्तूंचा स्वीकार केला. यावेळी माजी विद्यार्थी पोपटराव गायकवाड, अण्णासाहेब भुजबळ, वीरधवल करंजे, प्रशांत साळवे, सुरेश थिटे, अरुण राऊत, ज्ञानोबा लोहार आदी उपस्थित होते.
वसतिगृहातील अनाथ मुलांच्या सेवेसाठी जीवनावश्यक वस्तू दिल्याबद्दल ट्रस्टचे अध्यक्ष शिवाजी शिंदे यांनी सर्व माजी विद्यार्थ्यांचे हार्दिक आभार मानले आहेत. दरम्यान, याच बॅचमधील विद्यार्थ्यांनी शिक्रापूर येथील श्री छत्रपती प्रतिष्ठान संचलित निवासी मतिमंद मुलांची कृषी कार्यशाळेमधील विद्यार्थ्यांनाही जीवनावश्यक वस्तूंचे वाटप केल्याचे पोपटराव गायकवाड व अण्णासाहेब भुजबळ यांनी सांगितले.

08542