पारोडीचे गुलाब येळे पोलिस उपनिरीक्षकपदी

तळेगाव ढमढेरे, ता. १७ : पारोडी (ता. शिरूर) येथील गुलाब येळे यांची पोलिस उपनिरीक्षक पदावर पदोन्नती (बढती) झाली आहे. सध्या ते रांजणगाव एमआयडीसी पोलिस ठाण्यामध्ये सहाय्यक फौजदार म्हणून कार्यरत आहेत. त्यांची शासनातर्फे नुकतीच पोलिस उपनिरीक्षकपदावर बढती मिळाली असून, पुणे ग्रामीणचे पोलिस अधीक्षक संदीपसिंह गिल यांनी त्यांना बढतीचा आदेश दिला आहे. येळे यांनी यापूर्वी लोणीकंद, चाकण, दौंड, लोणी काळभोर व रांजणगाव एमआयडीसी येथील पोलिस ठाण्यात ३२ वर्षे सेवा केली आहे. पोलिस उपनिरीक्षक पदावर पदोन्नती झाल्याबद्दल त्यांचा रांजणगाव एमआयडीसी पोलिस ठाण्याचे वरिष्ठ पोलिस निरीक्षक महादेव वाघमोडे, भांबर्डे येथील सेवानिवृत्त जिल्हा विशेष लेखापरीक्षक चांगदेव पिंगळे व ग्रामस्थांतर्फे सत्कार करण्यात आला.