शासकीय रेखा कलापरीक्षेत भुजबळ विद्यालयाचे यश

तळेगाव ढमढेरे, ता. १९ : तळेगाव ढमढेरे (ता. शिरूर) येथील समाजभूषण संभाजीराव भुजबळ विद्यालयाच्या विद्यार्थ्यांनी शासकीय रेखा कला परीक्षेत घवघवीत यश मिळविले आहे. एलिमेंटरी परीक्षेसाठी एकूण १७६ विद्यार्थी बसले होते. त्यापैकी १३७ विद्यार्थी उत्तीर्ण झाले आहेत. इंटरमिजिएट परीक्षेसाठी २०० विद्यार्थी परीक्षेला बसले होते, त्यापैकी १०५ विद्यार्थी उत्तीर्ण झाले आहेत.
श्रेया सुनील शिंदे हिने ‘अ’ श्रेणी प्राप्त केली आहे. तनुश्री अंकुश सोनटक्के, संस्कृती राजू खंडागळे, संजना गंगासागर गुप्ता, प्रणाली उमेश गुजरे, प्रत्युषा सुदर्शन डोईफोडे, प्रिया राजू जाधव, सदाफ अमिन शेख व समृद्धी शिवराज इंगळे यांना ‘ब’ श्रेणी मिळाली आहे.
परीक्षेचे संयोजन मुख्याध्यापक बाळासाहेब चव्हाण, मिलिंद गायकवाड, आदेश गारगोटे, मीनाक्षी चेडे, जयश्री कापरे आणि मेघा गावडे यांनी केले.
यशस्वी विद्यार्थ्यांचे संस्थेचे अध्यक्ष शिवाजीराव भुजबळ, मंगल भुजबळ, राणी गायकवाड, मुख्याध्यापक बाळासाहेब चव्हाण यांनी अभिनंदन केले आहे.