शिक्रापूर- तळेगाव रस्त्यावर वाहनचालकांची गैरसोय

तळेगाव ढमढेरे, ता. १७ : शिरूर तालुक्यातील शिक्रापूर- तळेगाव ढमढेरे- न्हावरा या महामार्गाचे काम चालू असून, सध्या तरी हा रस्ता सर्वांनाच गैरसोयीचा वाटत आहे.
तळेगाव ढमढेरे- शिक्रापूर येथील काम गेली तीन महिन्यांपासून चालू असून, सर्व रस्ता खोदल्याने ओबडधोबड व खड्डेमय झाला आहे. परंतु, खोदलेल्या रस्त्यावरून वाहनचालक, ज्येष्ठ नागरिक, विद्यार्थी, दुचाकी व चारचाकी वाहनधारक या सर्वांनाच ये- जा करणे त्रासदायक ठरत आहे. रस्ता खोदल्याने सर्वच रस्ता चढ-उताराचा झाला आहे. मुरळ ओढा ते तळेगाव ढमढेरे या दरम्यानच्या रस्त्यावर वाहनचालकांना कसरत करावी लागत आहे. या रस्त्यावर मोठ्या प्रमाणात वाहतूक कोंडी होत आहे. ठेकेदाराने व प्रशासनाने खोदलेल्या रस्त्याचे त्वरित सपाटीकरण करून नागरिकांचे होणारे हाल दूर करावेत, अशी मागणी वाहनचालक व प्रवाशांकडून होत आहे.

08825