जांबूतमध्ये पकडला साडेतीन किलो गांजा

टाकळी हाजी, ता. १२ : जांबूत (ता. शिरूर) येथे गांजा विक्री करणाऱ्या समीर हजरतअली शेख (वय ३०) याला शिरूर पोलिस ठाण्याच्या पथकाने पकडले. त्याच्याकडून ३८ हजार ८४० रुपयांचा साडेतीन किलो गांजा जप्त केल्याची माहिती शिरूर पोलिस ठाण्याचे पोलिस निरीक्षक संदेश केंजळे यांनी दिली.
याबाबत पोलिसांनी माहिती दिली की, मंगळवारी (ता. ११) शिरूर पोलिस ठाण्याचे पोलिस अंमलदार अंबादास थोरे यांना गुप्त बातमीदाराकडून माहिती मिळाली की, जांबूत येथे समीर शेख हा त्याच्या घरात गांजाची विक्री करीत आहे. त्याप्रमाणे शिरूर पोलिस ठाण्याचे पोलिस पथकाने जांबूत येथील आरोपीच्या राहत्या घरी सापळा रचून छापा टाकला. त्या ठिकाणी समीर शेख यास ताब्यात घेऊन त्याच्याकडून ३ किलो ८४० ग्रॅम वजनाचा गांजा जप्त केला. त्याच्या विरोधात गुन्हा दाखल केला आहे.
शिरूर पोलिस ठाण्याचे सहायक पोलिस निरीक्षक दीपक करांडे, पोलिस हवालदार भागवत गरकळ, बाळू भवर, पोलिस अंमलदार अंबादास थोरे, भाऊसाहेब ठोसरे यांच्या पथकाने कारवाई केली.