पिंपरखेडला बिबट्या पिंजऱ्यामध्ये जेरबंद

कळी हाजी, ता ४ : पिंपरखेड (ता. शिरूर) येथील शेतकरी बबन सोनू बोंबे यांचे शेतात लावलेल्या पिंजऱ्यात बुधवारी (ता. ३) रात्री दहा वाजेच्या सुमारास अंदाजे साडेचार ते पाच वर्षांचा नर बिबट्या जेरबंद करण्यात वनविभागाला यश आले. यावेळी वनविभागाचे कर्मचारी वनरक्षक लहू केसकर, महेंद्र दाते यांनी जेरबंद बिबट्याला माणिकडोह (ता. जुन्नर) येथील बिबट निवारण केंद्रात दाखल केले आहे. पिंपरखेड, काठापूर खुर्द, जांबूत, शरदवाडी, वडनेर खुर्द, चांडोह, फाकटे, टाकळी हाजी, निमगाव दुडे या भागात मोठ्या प्रमाणात बिबट्याचे पशुधनावर हल्ले वाढले असल्याने दररोज कुठे ना कुठेतरी बिबट्या शेतकऱ्यांचे मोठे नुकसान करीत आहेत तसेच शालेय विद्यार्थ्यांनाही शाळेत सोडवताना पालकांना मोठी काळजी घ्यावी लागत आहे.
00644