मारहाण, धमकी दिल्याने माजी आमदारावर गुन्हा

थेऊर, ता. १७ : पीएमआरडीएच्या ठेकेदाराकडे सुपरवायझर म्हणून काम करणाऱ्या, सुनील गौतम वाघमारे (वय ३२ रा. तारमळा, थेऊर) यांनी माजी आमदार संभाजी कुंजीर (रा.मुकुंदनगर, पुणे) यांच्याविरुद्ध, शिवीगाळ करून, हातपाय तोडून टाकीन अशी धमकी देत, लाकडी काठीच्या सहाय्याने हातावर - पायावर मारहाण केल्याप्रकरणी लोणी काळभोर पोलिस ठाण्यात तक्रार दिली आहे. पोलिसांनी संभाजी कुंजीर यांचे विरुद्ध विविध कलमान्वये गुन्हा दाखल केला आहे.
यापूर्वी संभाजी कुंजीर यांनी सुनील वाघमारे यांच्या विरोधात शेतातील जलहिनीचे नुकसान केले म्हणून लोणी काळभोर पोलिस ठाण्यात तक्रार दिल्यानंतर गुन्हा दाखल झाला आहे.