श्रद्धा नागरी पतसंस्थेच्या अध्यक्षपदी काळभोर

थेऊर ता. १३ : लोणी काळभोर (ता. हवेली) येथील श्रद्धा नागरी सहकारी पतसंस्थेच्या अध्यक्षपदी दत्तात्रेय बबन काळभोर यांची, तर उपाध्यक्षपदी राजेश सुरेश चिले यांची बिनविरोध निवड झाली. पतसंस्थेची सन २०२५-३० या कालावधीसाठी संचालक मंडळाची निवडणूक बिनविरोध झाली. त्यानंतर अध्यक्ष व उपाध्यक्ष पदासाठी निवडणूक प्रक्रिया संस्थेच्या कार्यालयात पार पडली. यावेळी अध्यक्षपदासाठी काळभोर व उपाध्यक्ष पदासाठी चिले यांचेच एकमेव अर्ज आल्याने निवडणूक निर्णय अधिकारी सागर उगलमोगले यांनी त्यांची बिनविरोध निवड जाहीर केली. नवनिर्वाचित अध्यक्ष व उपाध्यक्ष यांचा सत्कार संस्थेचे माजी अध्यक्ष दादासाहेब काळभोर यांच्या हस्ते करण्यात आला. यावेळी हरिश्चंद्र बोरकर, रोहन काळभोर, श्रद्धा शेवाळे, कल्पना काळभोर, वर्षा काळभोर, गोपाल मुळे, महादेव वीरकर आदी उपस्थित होते.