घरफोडीच्या गुन्ह्यातील फरार आरोपीस अटकइ
थेऊर, ता. ८ : सुमारे चार वर्षांपासून लोणी काळभोर येथील घरफोडी करून फरार झालेल्या आरोपीस गुन्हे शाखा युनिट सहाच्या पथकाने कोम्बिंग ऑपरेशन करत जेरबंद केले.
पोलिस सुत्रांनी दिलेल्या माहितीनुसार, याप्रकरणी दीपक नामदेव घारोळे (वय २४, रा गल्ली नंबर ३,बिराजदार नगर, हडपसर, पुणे) याला अटक केली आहे.
घारोळे याच्यावर सन २०२१ मध्ये लोणी काळभोर पोलिस ठाण्यात घरफोडीचा गुन्हा दाखल आहे. गुन्हा दाखल झाल्यापासून तो फरार झाला होता. गेल्या चार वर्षापासून वेशांतर करून तो पोलिसांना चकवा देत होता. दरम्यान, गुन्हे शाखा युनिटचे पथक मंगळवारी कोम्बिंग ऑपरेशन करत असताना, लोणी काळभोर येथील घरफोडीच्या गुन्ह्यातील फरार आरोपी घारोळे हा बिराजदार नगरजवळ असलेल्या कालव्यालगत उभा आहे, अशी माहिती खबऱ्यामार्फत मिळाली. त्यानुसार पोलिसांनी सदर ठिकाणी छापा टाकून त्याला मोठ्या शिताफीने अटक केली आहे. आरोपीची वैद्यकीय तपासणी करून पुढील कारवाईसाठी लोणी काळभोर पोलिसांच्या ताब्यात दिले आहे. सदरची उल्लेखनीय कामगिरी पोलिस निरीक्षक वाहिद पठाण, सहाय्यक पोलीस निरीक्षक राकेश कदम, हवालदार नितीन मुंढे, कानिफनाथ कारखेले व त्याच्या सहकाऱ्यांनी केली आहे.
0264
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.