लोणी काळभोर येथे दोन गटांत हाणामारी

थेऊर, ता. १ : लोणी काळभोर (ता. हवेली) येथील इनामदार वस्ती परिसरात किरकोळ कारणावरून दोन गटांत शिवीगाळ करून लोखंडी गज व लाकडी दांडक्याने हाणामारी झाल्याची घटना बुधवारी (ता. ३१ डिसेंबर) सायंकाळच्या सुमारास घडली. यामध्ये दोघेजण गंभीर जखमी झाले आहेत. याप्रकरणी लोणी काळभोर पोलिस ठाण्यात परस्पर विरोधी तक्रारीवरून ११ जणांविरोधात गुन्हा दाखल करण्यात आला आहे.
शहिदा मुबारक इनामदार (वय ५०,रा. इनामदार वस्ती, बाजारमळा रोड,लोणी काळभोर,ता.हवेली) यांनी दिलेल्या तक्रारीनुसार मन्सूर गनी इनामदार(वय ४५), रिहान मन्सूर इनामदार(वय,२३), जैद मन्सूर इनामदार (वय २५), निहाल खालिद इनामदार (वय २०), खालिद गनी इनामदार (वय ४५ सर्व रा. इनामदार वस्ती, लोणी काळभोर ता. हवेली) यांच्यावर गुन्हा दाखल करण्यात आला आहे.
तर मन्सूर गनी इनामदार यांनी दिलेल्या फिर्यादीनुसार हरुन इब्राहिम इनामदार (वय ५०), रेश्मा हरून इनामदार (वय ४५), परवेझ हरुन इनामदार (वय २२), शायरान (वय ५५), शाहरुख नजीर शेख (वय ३०) व करीन इनामदार(वय २६,सर्व रा.इनामदार वस्ती, लोणी काळभोर) यांच्यावर गुन्हा दाखल करण्यात आला आहे. या मारहाणीत हरून इब्राहिम इनामदार व निहाल इनामदार हे दोघेजण जखमी झाले असून त्यांच्यावर दवाखान्यात उपचार सुरू आहेत. पुढील तपास लोणी काळभोरचे वरिष्ठ पोलिस निरीक्षक राजेंद्र पन्हाळे यांच्या मार्गदर्शनाखाली उपनिरीक्षक पूजा माळी करत आहेत.