ओतूर येथील बाजारात कांद्याची ११,४४६ पिशव्यांची आवक

ओतूर, ता.१६ : ओतूर (ता.जुन्नर) येथील कृषी उत्पन्न बाजार समितीच्या उपबाजारात कांद्याच्या ११ हजार ४४६ पिशवीची आवक झाली असून त्यात उच्चप्रतीच्या कांद्याला प्रती किलोला १९ ते २१ रुपये बाजारभाव मिळाला असल्याची माहिती कृषी उत्पन्न बाजार समितीचे सभापती संजय काळे, उपसभापती प्रकाश ताजणे व व्यवस्थापक दीपक मस्करे यांनी दिली.
मागील बाजाराच्या तुलनेत कांद्याच्या पिशवीच्या आवकीत थोडी म्हणजे ६०३ पिशवीची घट झाली असून, गोळा कांद्याच्या बाजारभावात थोडी म्हणजे प्रती किलोला एक ते दोन रुपयाची घसरण झाली आहे. बाजारात गुरुवारी (ता.१६) ११ हजार ४४६ कांदा पिशवी आवक झाली असून, त्यास प्रतिदहा किलोला गोळा कांदा १९० ते २२१, सुपर कांदा १४० ते २११, गोल्टी कांदा ४० ते १५०, बदला कांदा ३० ते ११० रुपये असा बाजारभाव मिळाला तर मागील बाजारी रविवारी (ता.१२) १२०४९ पिशव्यांची आवक झाली होती. त्यास प्रतिदहा किलोला गोळा कांदा १७० ते २२५, सुपर कांदा १४० ते २११, गोल्टी कांदा ५० ते १५०, बदला कांदा ३० ते ११० रुपये असा बाजारभाव मिळाला होता.