गोजुबावी शाळेत हिंदी दिन साजरा

उंडवडी, ता. १५ : गोजुबावी (ता. बारामती ) येथील न्यू इंग्लिश राष्ट्रीय हिंदी दिन उत्साहात साजरा झाला. या कार्यक्रमाच्या अध्यक्षस्थानी मुख्याध्यापक बाळू भिसे होते. यावेळी विद्यार्थिनी संस्कृती घायाळ, पूजा मोरे, प्रतीक्षा कोलवडकर यांनी आपल्या भाषणातून हिंदी भाषेचे महत्त्व सांगितले.
हिंदी विषय शिक्षिका प्रीतम पानसरे व हिंदी विभाग प्रमुख अहमद शेख यांनी हिंदी भाषेचा जागतिक दर्जा, मानवी जीवनात भाषेचे महत्त्व याविषयी सविस्तर मार्गदर्शन केले. मुख्याध्यापक भिसे यांनी पानसरे, वर्षा खंडागळे व शेख यांना गुलाब पुष्प देऊन हिंदी दिनाच्या शुभेच्छा दिल्या. या कार्यक्रमाचे सूत्रसंचालन सचिन साळुंखे यांनी केले. यावेळी लीना सोनटक्के, अर्चना अनारसे व आशिष कांबळे हे उपस्थित होते.