जळगाव कडेपठार सोसायटीच्या अध्यक्षपदी गोरख चौलंग

उंडवडी, ता. ७ : जळगाव कडेपठार (ता. बारामती) येथील विविध कार्यकारी सेवा सोसायटीच्या अध्यक्षपदी गोरख श्रीपती चौलंग यांची, तर उपाध्यक्षपदी अनिता भरत जगताप यांची बिनविरोध निवड झाली.
येथील सोसायटीची संचालक मंडळाची पंचवार्षिक निवडणूक नुकतीच पार पडली. त्यानंतर अध्यक्ष व उपाध्यक्षपदाची निवडणूक प्रक्रिया पार पडली. यामध्ये अध्यक्षपदासाठी गोरख चौलंग व उपाध्यक्षपदासाठी अनिता जगताप यांचा एकमेव अर्ज दाखल झाले होते. त्यानुसार संबंधित जागा बिनविरोध घोषित करण्यात आल्या. निवडणूक निर्णय अधिकारी म्हणून अमर गायकवाड यांनी कामकाज पाहिले. याकामी सचिव बी. एस. जाधव व सहसचिव एच. इ. सय्यद यांनी सहकार्य केले.
निवडणूक बिनविरोध करण्यासाठी माजी सरपंच अशोकराव कोकणे, दादासाहेब कोकणे, अतुल भिलारे, सुरेश कोकणे, नानासाहेब चौलंग, किरण म्हेत्रे, लक्ष्मण वाबळे, चंद्रकांत खांडेकर, विजय कदम, श्रीकांत ताम्हाणे, युवराज ताम्हाणे, सागर वाबळे, गणेश प्रभुणे, प्रमोद खोमणे, राजेंद्र वाबळे, सुरेश लोणकर यांनी सहकार्य केले.