उंडवडी येथील शेतकरी बाजरी काढण्यात व्यग्र

उंडवडी, ता. ८ : जिरायती भागातील उंडवडी सुपे, कारखेल, खराडेवाडी, सोनवडी सुपे, बऱ्हाणपूर, जळगाव सुपे, गोजुबावी, अंजनगाव परिसरासह तालुक्यातील विविध गावांमध्ये सध्या शेतकरी बाजरी काढणी, खुडणी व वाळवणीच्या कामात व्यग्र आहेत.
यंदा मे महिन्यात झालेल्या दमदार पावसानंतर जून महिन्यात शेतकऱ्यांनी खरीप हंगामातील बाजरीची पेरणी केली होती. काही शेतकऱ्यांनी सुरुवातीला पिकाला एक पाणी दिल्याने त्यांचे उत्पादन समाधानकारक येत आहे. तर काही शेतकऱ्यांची बाजरी पाणी न देता केवळ रिमझिम पावसावर आली असून तेही पीक अपेक्षित पातळीवर आहे.
सध्या बाजरीचे पीक अंतिम टप्प्यात असून बहुतांश शेतकरी काढणी, खुडणी व वाळवणीमध्ये गुंतले आहेत. त्यामुळे खरीप हंगामातील सुगीला वेग आला आहे.या कामामध्ये महिला मजुरांचा सहभाग मोठा असून त्यांना प्रतिदिवस ३५० ते ४०० रुपये मजुरी मिळत आहे.

02942