पोलिसांचा खबरी असल्याच्या
संशयावरून तरुणाला मारहाण

पोलिसांचा खबरी असल्याच्या संशयावरून तरुणाला मारहाण

Published on

उरुळी कांचन, ता. ११ : पोलिसांचा खबरी असल्याचा संशय घेत एका तरुणाला टोळक्याने शिवीगाळ करत लाथाबुक्क्यांनी बेदम मारहाण केल्याची घटना म्हातोबाची आळंदी (ता. हवेली) येथे बुधवारी (ता. ७) रात्री आठच्या सुमारास घडली. तसेच टोळक्याने वाहनांची लोखंडी शस्त्रांनी तोडफोड करत परिसरात दहशत माजविण्याचा प्रयत्न केल्याबाबत रोहित सुभाष जावळकर (वय ३२, रा. म्हातोबाची आळंदी, ता. हवेली) यांनी लोणी काळभोर पोलिस ठाण्यात फिर्याद दिली आहे.
याप्रकरणी करण शंकर गावडे (वय १९), आदित्य संतोष इंगोले (वय २४) या दोघांसह आणखी तिघांविरुद्ध लोणी काळभोर पोलिस ठाण्यात गुन्हा दाखल केला आहे.
पोलिसांनी दिलेल्या माहितीनुसार, फिर्यादी जावळकर म्हातोबाची आळंदी येथील रहिवासी आहेत. बुधवारी (ता. ७) ते आपल्या घराजवळ रात्री आठच्या सुमारास थांबले होते. त्यावेळी आरोपी गावडे, इंगोले आणि त्यांच्याबरोबर असलेले तीन साथीदार तिथे आले आणि `तू पोलिसांना टीप देतोस,’ असा आरोप करत त्यांना मारहाण केली. पोलिसांनी इंगोले याला अटक केली आहे. त्याच्याबरोबर असलेल्या साथीदारांचा शोध सुरू असून वरिष्ठ पोलिस निरीक्षक राजेंद्र पन्हाळे यांच्या मार्गदर्शनाखाली तपास करण्यात येत आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com