उरुळीत वारकऱ्यांसाठी आरोग्य तपासणी व्हॅन

उरुळी कांचन, ता. २४ : उच्च तंत्र शिक्षणमंत्री चंद्रकांत पाटील आणि समर्थ फाउंडेशनचे राजेश पांडे यांच्या वतीने जगद्‍गुरु संत तुकाराम महाराज यांच्या पालखी सोहळ्यानिमित्त वारकऱ्यांसाठी मोफत आरोग्य तपासणी व्हॅन देहू ते पंढरपूरपर्यंत उपलब्ध करून देण्यात आली आहे. या अनुषंगाने उरुळी कांचन येथे नॅशनल युवा को-ऑपरेटिव्ह जननिधी मल्टीस्टेट संस्थेतर्फे या आरोग्य तपासणी व्हॅन मार्फत आरोग्य शिबिर घेण्यात आले.
या शिबिराचे उद्‍घाटन भाजपचे पदाधिकारी पूजा सणस, रेखा तुपे यांच्या हस्ते करण्यात आले. या शिबिरामध्ये डोळे, दंत, रक्त तपासणी करण्यात आल्या. त्याचबरोबर महिलांसाठी कर्करोग मॅमोग्राफी तपासणी करण्यात आली. यावेळी २६२ हून अधिक नागरिक आणि महिलांनी आरोग्य तपासणीचा लाभ घेतला.
या प्रसंगी के. डी. कांचन, विकास जगताप, राजाराम कांचन, संतोष कांचन, पोलिस निरीक्षक शंकर पाटील, डॉ. समीर ननावरे, गणेश चौधरी, शरद खेडेकर, भाऊसाहेब कांचन, सुरेश सातव, प्रशांत भोर, डॉ. रवींद्र भोळे, मयूर जगताप, राजेंद्र काळे, आबासाहेब चव्हाण, अमित कांचन, मच्छिंद्र कड, ऋषिकेश शेळके, सिद्धार्थ जगताप, सनी चौधरी, अशोक गायकवाड, विराज जगताप, श्रीकांत कांचन, अक्षय कांचन, सचिन काळे, ॲड. सुमीत वनारसे, रमाकांत भोसले, आर्चिस वाडेकर, अनिल महाडीक, पुनम बोराटे, आशिष बारवकर उपस्थित होते