उरुळीत ‘डेंगी प्रतिरोध महिना’ उपक्रम

उरुळी कांचन, ता. ३ : उरुळी कांचन (ता. हवेली) येथील प्राथमिक आरोग्य केंद्रात राष्ट्रीय कीटकजन्य आजार रोग नियंत्रण कार्यक्रमाअंतर्गत ‘डेंग्यू प्रतिरोध महिना’ हा उपक्रम राबविण्यात आला. या उपक्रमांतर्गत रांगोळी स्पर्धाचे आयोजन करण्यात आले होते. यात पांढरस्थळ, भवरापूर, शिंदवणे, उरुळी कांचन या चार उपकेंद्रातील आठ आशा सेविकांनी सहभाग नोंदविला होता.
सांडपाणी व्यवस्थापन, मच्छरदाणीचा वापर करा, कोरडा दिवस पाळा, डेंगी प्रतिरोध आदी विषयांवर रांगोळी काढण्यात आल्या होत्या. पहिल्या तीन आलेल्या स्पर्धकांना पारितोषिक देण्यात आले. यामध्ये प्रथम पूनम ठेंगिल (भवरापूर), द्वितीय सुवर्णा मोहिते (उरुळी कांचन), तृतीय मनीषा महाडीक (शिंदवणे) चतुर्थ सीमा चव्हाण (पांढरस्थळ) या स्पर्धकांचा समावेश आहे. याप्रसंगी जिल्हा हिवताप अधिकारी पुणे अपर्णा पाटील, आरोग्य अधिकारी डॉ. मेहबूब लुकडे, डॉ. सागर नाशिककर, आरोग्य निरीक्षक दीपक राऊत, आरोग्य कर्मचारी गणेश सहारे, पद्मजा नायडू, रूपाली लोखंडे, संगीता धर्माधिकारी आदी उपस्थित होते.